رصد نيوز الدولية رصد نيوز
مقالات مشابهة
علي كوكب اليتامى
يونس جلوب العراف
يللي تسأل عن علي ومعنة علي
سمي بسم الله كبل نطق الاسم
هو الاول بالبشر بعد الرسول
وغير الاول ابد مايرهم رقم
علي وبسوح الحرب وكت النزال
يمة كل عملاق يتحول قزم
علي باب العلم باقوال الرسول
وهوة مو بس هاي لا هو العلم
علي كوكب لليتامة الضايعين
ودونة كل الكون يشعر باليتم
رادو ايرسموه لوحة وما دروه
علي من نور العرش ما ينرسم
علي نص انسان جان ونص ملاك
واللي ما يفتهم خلي يفتهم
وراح احجي حجي ما حاجيته ناس
ومالي شغلة باليضد واليتفق
وراح اقارن علي وية الانبياء
وخل نشوف ابعيننة شنو الفرق
استمع هذاالحجي وعوف الشكوك
لأن كل هذا الحجي صدق بصدق
مريم العذراء طلكت بالمسيح
ودخلت المعبد وطردوهة طرد
ولفاطمة بنت اسد شق الجدار
وداخل الكعبة علي اصبح منولد
وموسى من فرعون خاف وطلب عون
وعلي طب للمشركين ومارجف
واببراءة هتف وسط المشركين
وبسم ربه والنبي ابصوته هتف
ويونس امغاضب مشة وهوة رسول
والا وسط الحوت ركز بالدعاء
وعلي ليل انهار قائم بالصلاه
والدعاء مخلوط بدموع البكاء
ونوح صح هوة نبي ابأمر الاله
لكن ابنة كافر امن الكافرين
وانتة اسأل اكو اتقة من علي
واكو اتقة امن الحسن وامن الحسين
و لو نقارن بعد وية الانبياء
عدنة زوجة لوط من الغابرين
وعلي جانت زوجته الزهرة البتول
التملتك بين البشر عين اليقين
علي من شجرة محمد يعني اخوه
وهوة لولاه مابقة بالدنية دين
نصباه الله في يوم الغدير
وغيرة ماكو اي امير المؤمنين
غيره مايرهم امير المؤمنين
