رصد نيوز الدولية رصد نيوز
مقالات مشابهة
صباح عطوان
إنتهى فصل الختام..
ومثل ما تدري شلون عشنا..
فراقنا إنعيشه بنظام..؟
من المحاسن نحفظ الغيبة لبعضنا..
إيش سوى..؟ وإيش قال ، وفعل؟
هذا أجوف َمايقال من الكلام..
لاصحيح بحقي..
ولاقول تمام
خليني أغادر بإحترام..؟
وخلي ما نقطع فرد مرة السلام؟
ما كو داعي تفيض بالعندك وعندي..؟
ولاكو داعي نطور الحقد لخصام..؟
أخذ عمرك كله وإرحل؟
إيحرسك الله بلاعتاب
ولاكلام؟
وماكو داعي لكل وداع..
إقبل الواقع بطيبة ..
وقول عالدنيا السلام؟
تغير العالم علينا..
صاركلشي مو بإدينا..
وانت غايص بالمنام
تبدلت الاطباع من قال وبلا
تمشطت كلهامن الزمان
بس جمدنا إحنا إبمحلنا..!
هذا طبع النفس من تهوى المكان
وغيرنا تغير إسلوبه..
تغير بفكره ومقام..
والخلاف بهالدنيا وارد
ماكو باقي على المرام
وموغريبة يبات ليلتها محب
والصبح شارد..
لو ربيع تعيش ساعة،
لوشتاك ايام..
عيشهالنفسك حياتك؟
مثل يربوع إنفطم..
يحفربكاع امه وابوه حفرة
من ثم قال الهم.. سلام!!
إنتهى فصل الختام
خليني أغادر بإحترام..؟
