رصد نيوز الدولية رصد نيوز
مقالات مشابهة
خاچيّة جنوبيّة…
احسان العيد
گلبك محترگ أدري الحريق البيك
وادري السهم نابت فوگ خاصرتك
عجيبه الهيبه بيك اتسَكِّت الديوان
ساكت والوجوه التقره سالفتك
ثابت شو صلب ؟ ماترجف الجفنين
تخزر بالمنايا وهيّه خازرتك
شنهي انتَ جبل ثابت على الأرضين
لو إيد الشجاعه البيك لازمتك
اشوفك واگف ابعز والجنوب اوشاح
يابخت العراق امتونه لابستك
خاچيّه انتَ عمّي اتهندم اللباس
واشباب المضايف نعم عارُفتك
اعگال الفوگ راسك يحچي قصة الكون
واملاك العرش من فوگ شايفتك
عظيم انت وتفسّر معنى هاي الگاع
لو أكدر افسرك چان فسّرتك
#الرحمة_لشهدائنا_أبطال_القوات_المسلحة_درع_العراق_الحصين
